فيروز

-




ثلاث سنين

وقت طويل كفاية انه يستهلك عمر كامل مش مجرد علاقة

ثلاث سنين كانوا كفاية انه يفتكر كل تفصيلة فيها

او على الاقل كده كان فاكر

رجعوا لنفس القهوة

نفس الركنة

نفس الترابيزة

اللي في يوم من الايام كانت بداية كل حاجة


المرة دي ما فيش بداية

في نهاية هادية زيادة عن اللازم

نهاية مفيهاش وجع ظاهر

ولا حتى محاولة تمسك بحاجة بتقع

هي ما بكتش

وهو ما حاولش يمنعها تمشي

الاتنين قالوا كلام محفوظ

كلام يتقال في اللحظات اللي زي دي

كلام مفيهوش روح

بصوا للفناجين الفاضية

كأنهم بيبصوا على حاجة خلصت من غير ما ياخدوا بالهم

قام

و مد ايده

سلم عليها

زي اي حد غريب بيودع حد غريب


و مشي


نزل الشارع

الهوا كان تقيل وبارد بشكل غريب

فتح موبايله

قلب فيه من غير هدف

قفله بسرعة كأنه افتكر حاجة مش عايز يفتكرها

مشى شوية

وبعدين وقف فجأة

سؤال جه في دماغه

بلا مقدمات

بلا سبب واضح

هي كانت بتحب ايه بجد

وقف مكانه كأن السؤال شده من هدومه

حاول يجاوب

سهل يعني

سؤال بسيط جدا

بس الاجابة ما جاتش

حاول يفتكر

ايه الحاجة اللي كانت بتفرحها من غير مجاملة

ايه الحاجة اللي كانت تختارها لو محدش بيبص

ايه الحاجة اللي كانت بتحس انها شبهها


مافيش


ولا اجابة واحدة واضحة


قعد على اول كرسي قابله

وبدأ يدور جواه بشكل مرتبك

هي كانت بتحلم بايه

كانت عايزة تبقى ايه بعد سنين

كانت بتخاف من ايه لما تقفل النور

كانت بتفكر في ايه وهي ساكتة


اسئلة عادية جدا

المفروض اي حد يعرفها


بس هو

مش عارف


افتكر انه حكى لها كل حاجة

من غير حساب

من غير حدود


فتح لها حياته كلها

حكى عن ابوه وتعبه

عن الخذلان اللي جاله من اقرب الناس

عن خوفه اللي بيكبر جواه كل يوم

عن الوحدة اللي بتيجي فجأة من غير سبب

عن طفولته

عن احلامه


وحكى لها كمان عن اكتئاب الشتا اللي بيجيله كل سنة

ازاي الدنيا بتتقفل في وشه فجأة

وازاي بيبقى تقيل من غير سبب واضح


وحكى لها عن حبيبته القديمة

عن اللي حصل

عن اللي انتهى

وعن الحاجات اللي فضل شايلها جواه بعدها


ما سابش حاجة


وهي


كانت بتسمع


بهدوء

باهتمام

من غير مقاطعة

من غير ما تاخد المساحة لنفسها


كأن دورها الوحيد

انها تكون موجودة وهو بيتكلم


ما كانتش بترفض

وما كانتش بتقفل

بس برضه ما كانتش بتفتح


دلوقتي بس هو فاهم


كل اللي بينهم

كان مايل ناحية واحدة


كل الحكاية كانت صوته هو

حياته هو

تفاصيله هو


وهي كانت قاعدة في النص

موجودة بشكل مريح

دافية

قريبة


بس من غير ما تكون حاضرة فعلا


قريبة لدرجة انه يحس بيها

وبعيدة لدرجة انه ما يعرفهاش


ثلاث سنين كاملة

وهو عايش مع واحدة

حافظ ملامحها كويس جدا

بس مش عارف جوهها عامل ازاي


عارف امتى بتسكت

بس مش عارف ليه بتسكت


عارف امتى بتضحك

بس مش عارف ايه اللي بيضحكها بجد


قام من مكانه

وكمل طريقه


وهو شايل جواه سؤال واحد

واضح وبسيط

بس تقيل تقيل جدا

تعليقات

إرسال تعليق

المشاركات الشائعة من هذه المدونة

رحلة قصيرة ....

-
مرت سنوات طويلة فقدنا فيها من فقدنا، وسقط منا من سقط اصبح الحمل خفيفا لا بل ثقيلا ، يحمل كل تلك السنون وكل تلك الذكريات ، الالاف من الصور تمر في لحظة ذاك الشريط السحري يمر امام عينيك ، لحظات الطفولة والمراهقة والشباب ، اصدقاء لم يعد لهم ذكر  ، تلك الحبيبة او العشيقة تلك الفتاة التي لم يعرف عنها احد شيئا ، خطاياك المدفونة بداخلك دعواتك التي دعوتها في جنح الليل طيف ابتسامة مع تلك التي تمنيتها،و أبدا أبدا لم تبح لها بسرك الدفين ، لم تقابلها أبدا الا في خيالك ، وتلك الفتاة المسكينة التي أحبتك واعلنت لك ذلك وانت كأي نذل تخليت عنها ، لم تسعفك قواك ام لم تحبها ام احببت حبها لك ، لكنك في النهاية تخليت عنها ، تتذكر صديقك ومصائبكما معا،تلك الرحلات التي كانت بلا هدف تتذكر ،أوقات انتظارك للقطار  يا لها من أوقات .  تصحوا مبكرا نصلي الفجر وتعد عدتك للحاق بالقطار ، ما بين النهار والليل تمشي في هدوء ونفسك كمراجل البخار، يتصاعد بخار أنفاسك أمامك يسبق خطاك ام تسبقه لا يهم المهم ان تصل لمحطة القطار ، انت تسبقه حتي ترحل في رحلاتك اللانهائية الي الدروس والحصص وتقابل تلك الوجوه العابسة ...
قراءة المزيد

هذا القلق ليس له ما يبرره

-
هذا القلق ليس له ما يبرره يا صديقي ليتنا نعرف ان نقضي عليه ونقصيه من حياتنا نقتله !  ندفنه.  لا قبل ان ندفنه لابد من ان نسحقه تماماً تحت اقدامنا  واين تذهب ارواحنا القلقة المُعلقة بأستار الوهم  لا ليس وهم  ماذا هو إذن ؟  لا اعلم لكنه سوف يصير يوما ما حقيقة  لا يا صديقي انه وهم بل  أقول انك أصبحت مدمن  انا مدمن؟  نعم أصبحت مدمن للوهم  ماذا عن القلق دعنا نجد له حل والباقي نسطيع حله والإقلاع عن إدمانه  هل تخاف  انا  اجل  لا اخاف  لماذا لا تخاف  لا اعلم  اليست لديك أشياء تخاف عليها  لا ليس لدي شئ ولا حتي ورقة كتبتها قبل زمن  كانت لدي أوراق كثيرة لكنها احترقت او دابت لم يعد لها وجود حتي أني كنت احفظها في صدري وصدري ضاق بها وطردها  -ماذا كان بها تلك الأوراق  كانت أغاني بائسة اناشد فيها حبيبتي احيانا اترجاها ان تعود او اطلب منها المغفرة وأحيانا أنشد واغزل كلمات باسمها  هي في في الحقيقة كانت  كلمات ركيكة لكنها كانت تعجبها وكنت اري في عينيها لمعة تذيبني عشقا لذلك كنت استمر في ك...
قراءة المزيد

التاريخ الكامل لمجزرة مدرسة بحر البقر

-
صورة
تاريخ المجزرة حدث مجزرة بحر البقر بتاريخ الثامن من أبريل في العام ألف وتسعمائة وسبعون ، الثاني من صفر عام ألف وثلاثمائة وتسعون هجرية 1390 هـ. الزمان الساعة التاسعة وعشرون دقيقة من صباح يوم الأربعاء. مكان المجزرة مدرسة بحر البقر الابتدائية المشتركة التي تقع بمركز الحسينية –محافظة الشرقية ( شمال شرق القاهرة ، جنوب بورسعيد) تتكون المدرسة من دور واحد وتضم ثلاثة فصول وعدد تلاميذهـــــا مائة وثلاثين طفلا أعمارهم تتراوح من ستة أعوام إلى اثنا عشر عاما. العصابة الصهيونية التي نفذت المجزرة وهي عصابة من القوات الجوية الإسرائيلية ، هي عملية إرهابية قامت بها القوات الجوية الإسرائيلية ، حيث أغارت خمس طائرات فانتوم إسرائيلية (من صنع أمريكي ) على هذه المدرسة وأسقطت فوق رؤوس الأطفال خمس قنابل وصاروخيين جراء هذا القصف فقد سويت المدرسة بالأرض وتناثرت أشلاء الأطفال في كل مكان. هي جريمة متعمدة كما جاء بأقوال الطيار الإسرائيلي امي حاييم الذي شارك في تلك الجريمة وأسرته القوات المصرية في حرب أكتوبر 1973 وقد اقر واعترف بأنهم قصفوا المدرسة الابتدائية عن عمد وأنهم كانوا يعرفون أنهم يستهدفون بقنابلهم وصواريخهم م...
قراءة المزيد